AGK dënon veprimin e gazetës “Zëri” ndaj gazetares Senada Halimi

“Shkëputja e marrëdhëniës së punës në kohën e shtatëzënëisë nuk duhet të që asnjë formë të shndërrohet në praktikë të lejueshme në vendin tonë. Presim që veprimi i gazetës ‘Zëri’ të dënohet edhe nga organizata të tjera që merren me mbrojtjen e të drejtave të njeriut e posaqërsisht të grave.” – thuhet në reagimin e Asociacionit të Gazetarëve të Kosovës, i cili vjen pas njoftimit, se gazetares  Senada Halimi  Gazeta “Zëri” ia ka shkëputur marrëdhënien e punës, pasi ajo i ka njoftuar se është shtatëzënë.

Ata kanë njoftuar gjithashtu se – “Për këtë rast me kërkesë të gazetarës Senada Halimi ne e kemi njoftuar edhe Inspektoratin e Punës nga i cili institucion presim vendim të shpejtë dhe të drejtë” – saktësohet më tej në reagimin e AGK.

Komunikatën e plotë mund ta lexoni më poshtë :

Komunikatë për Media

Asociacioni i Gazetarëve të Kosovës e ka pritur me shqetësim të thellë njoftimin e gazetarës Senada Halimi se gazeta “Zëri” ia ka shkëputur marrëdhënien e punës pasi ajo i ka njoftuar se është shtatëzënë.

Në njoftimin e saj për AGK-në gazetarja Halimi ka thënë se: “Unë jam njoftuar me datë 06.12.2016 se më është shkëputur marrëdhënia e punës. Kjo ka ndodhur vetëm pak ditë pasi menaxhmenti e ka kuptuar se unë jam shtatëzënë”.

Duke u bazuar në këtë, Asociacioni i Gazetarëve të Kosovës e dënon veprimin e gazetës “Zëri” pasi vendimi i menaxhmentit bije ndesh me Ligjin e Punës si dhe ligjet e tjera të aplikueshme në Republikën e Kosovës. Njeherësh veprimi i gazetës “Zëri” paraqet diskriminim të drejpërdrejt.

Shkëputja e marrëdhëniës së punës në kohën e shtatëzënëisë nuk duhet të që asnjë formë të shndërrohet në praktikë të lejueshme në vendin tonë. Presim që veprimi i gazetës ‘Zëri’ të dënohet edhe nga organizata të tjera që merren me mbrojtjen e të drejtave të njeriut e posaqërsisht të grave.

Për këtë rast me kërkesë të gazetarës Senada Halimi ne e kemi njoftuar edhe Inspektoratin e Punës nga i cili institucion presim vendim të shpejtë dhe të drejtë.

Poashtu inkurajojmë gazetarën Halimi që të nisë procedurat ligjore ndaj gazetës në fjalë.